Daqqa t’għajn lejn l-istqarrija dwar il-politika monetarja tagħna - Lulju 2024
X’iddeċidejna?
Żammejna r-rati tal-imgħax prinċipali tagħna mhux mibdulin
Ir-rati tagħna għadhom għoljin, u qegħdin jgħinu biex titbaxxa l-inflazzjoni. Dan għadu meħtieġ minħabba li l-inflazzjoni hija mistennija li tibqa’ ogħla mill-mira ta’ 2 % tagħna tul parti kbira mis-sena d-dieħla.
X’inhu jiġri fl-ekonomija?
L-ekonomija qed tirkupra bil-mod
Is-servizzi qegħdin jixprunaw it-tkabbir fl-ekonomija. In-nies għandha iktar x’tonfoq minħabba li l-inflazzjoni qed tonqos u l-pagi qed jiżdiedu.
Il-manifattura mhux sejra tajjeb
Id-ditti mhux qed iżidu l-produzzjoni tagħhom, u l-esportazzjonijiet tagħhom lanqas ma huma qed jikbru. Iżda hekk kif l-ekonomija dinjija tirkupra, l-affarijiet għandhom jitjiebu.
L-inflazzjoni nieżla, iżda mhux se tkun triq faċli
Il-prezzijiet għall-oġġetti u għall-ikel ma għadhomx qed jiżdiedu daqs kemm kienu qabel. Qed nistennew li l-inflazzjoni tirritorna għall-mira tagħna ta’ 2 % matul it-tieni nofs tas-sena d-dieħla, għalkemm jista’ jkun hemm xi ftit żidiet u tnaqqis qabel naslu għaliha.
Il-pagi għadhom qed jogħlew b’rata qawwija
Il-ħaddiema qed ifittxu li jagħmlu tajjeb għal żidiet ta’ qabel fil-prezzijiet. Għadhom jinħolqu aktar xogħlijiet, b’mod speċjali fis-servizzi. Id-ditti qed jagħmlu inqas profitt, parzjalment minħabba li mhumiex qed jgħaddu l-kostijiet lavorattivi ogħla tagħhom lill-klijenti fil-forma ta’ prezzijiet ogħla.
In-nies qed terġa’ titlob self b’ipoteki
Rati tal-imgħax għoljin ifissru li s-self xorta għadu pjuttost għoli. Iżda sar xi ftit iktar faċli li tissellef. Issa, għall-ewwel darba f’sentejn, aktar nies qed japplikaw għal self biex jixtru djar.
Ħares lejn id-dettalji
DEĊIŻJONIJIET DWAR IL-POLITIKA MONETARJA
Dan huwa dak li l-Kunsill Governattiv iddeċieda dwar ir-rati tal-imgħax u dwar l-istrumenti tal-BĊE fl-aħħar laqgħa tiegħu.
Stqarrija għall-istampaSTQARRIJA TAL-POLITIKA MONETARJA
Aqra l-ispjegazzjoni tagħna tar-raġunijiet wara l-aħħar deċiżjonijiet dwar il-politika monetarja.
Stqarrija tal-politika monetarja