Żurna
Aħna nistinkaw biex inkunu trasparenti, aċċessibbli u mifhuma miċ-ċittadini kollha
Iċ-Ċentru għall-Viżitaturi tal-BĊE jinsab fil-bini ewlieni tal-BĊE fi Frankfurt am Main, il-Ġermanja. Meta żżurna tkun tista' titgħallem aktar dwar ir-rwol u r-responsabbiltajiet tal-BĊE b’mod interattiv u tifhem aħjar kif id-deċiżjonijiet tagħna jaffettwaw il-ħajja tiegħek ta’ kuljum.
Għaliex huwa importanti li l-prezzijiet jibqgħu stabbli u xi jfisser dan għall-poter tal-akkwist tiegħek? Kif inkunu żguri li t-tfaddil tiegħek huwa sigur fil-bank? X’inhuma l-kisbiet ewlenin tal-euro?
Interessat li tkun taf aktar? Agħti ħarsa lejn l-attivitajiet taċ-Ċentru għall-Viżitaturi tal-BĊE hawn taħt!
Attivitajiet fuq il-post
Tours taċ-Ċentru għall-Viżitaturi
It-tours taċ-Ċentru għall-Viżitaturi jagħtu ħarsa ġenerali lejn ir-rwoli u r-responsabbiltajiet tal-BĊE. Dawn iż-żjarat fuq il-post ta’ 60 minuta ospitati mill-persunal tal-BĊE jinkludu elementi interattivi, filmati u sessjonijiet ta’ Q&A. Iż-żjarat tagħna fuq il-post huma b’xejn.
Staqsi għal żjara fuq il-postLekċers minn esperti
Il-lekċers fuq il-post esperti dwar suġġetti speċifiċi (il-politika monetarja, l-euro, is-superviżjoni bankarja eċċ) huma mmirati lejn gruppi li jifhmu sew il-mandat tal-BĊE. Il-lekċers tagħna ta’ 60 minuta huma b’xejn u disponibbli għal gruppi ta’ 15 jew aktar.
Staqsi għal lekċer fuq il-postTours tal-Binja Prinċipali
Jekk tingħaqad ma’ wieħed mit-tours tagħna aħna nuruk partijiet differenti tal-binja prinċipali tal-BĊE, fejn nirriflettu fuq l-istorja u l-arkitettura tagħha. Nagħtuk ukoll impressjoni ta’ xi jfisser li taħdem hawnhekk.
Attivitajiet virtwali
Preżentazzjonijiet virtwali taċ-Ċentru għall-Viżitaturi
Il-preżentazzjonijiet virtwali ta’ 60 minuta taċ-Ċentru għall-Viżitaturi jagħtu ħarsa ġenerali lejn ir-rwoli u r-responsabbiltajiet tal-BĊE u jinkludu sessjoni Q&A. Il-preżentazzjonijiet virtali tagħna taċ-Ċentru għall-Viżitaturi huma bla ħlas.
Staqsi għal preżentazzjoni virtwaliLekċers virtwali esperti
Il-lekċers virtwali esperti dwar suġġetti speċifiċi (il-politika monetarja, l-euro, is-superviżjoni bankarja eċċ) huma mmirati lejn gruppi li jifhmu sew il-mandat tal-BĊE. Il-lekċers virtwali tagħna ta’ 60 minuta huma b’xejn.
Staqsi għal lekċer virtwaliTour permezz ta’ Google street view tour taċ-Ċentru għall-Viżitaturi tal-BĊE
Agħmel żjara virtwali u esplora ċ-Ċentru tal-Visitaturi tagħna tkun fejn tkun fid-dinja!