L-istabbiltà hija wkoll il-ħaġa li inti tfittex?
L-istabbiltà hija l-ħaġa li aħna nfittxu.
Fi ħdan il-BĊE dak li nagħmlu għalik huwa li nżommu l-prezzijiet stabbli u l-banek sikuri. Dan għaliex kulħadd għandu bżonn l-istabbiltà. U meta jkun hemm l-istabbiltà, ikun eħfef biex issawwar il-futur tiegħek bil-mod kif tixtieq.
Aħna l-BĊE tiegħek, li qed naħdmu għall-euro tiegħek u għall-futur tiegħek. Ħloqna l-filtri tal-Instagram tagħna stess, inkluż “Mint your coin” li jagħmlek il-wiċċ tal-euro.
U xi wħud mill-kollegi tagħna tal-BĊE, l-uċuh wara l-euro, ivvolontarjaw biex jispjegaw xi tfisser għalihom l-istabbiltà.
Iltaqa’ ma’ xi wħud mill-persunal tagħna u skopri għaliex l-istabbiltà hija l-ħaġa li nfittxu
Beatriz, Koordinatriċi tal-Proċess tan-Negozju għall-Bord Ewropew dwar ir-Riskju Sistemiku (BERS)
Jiena ngħin biex jiġu indirizzati u evitati r-riskji għas-sistema finanzjarja billi nikkoordina l-pubblikazzjoni ta’ dokumenti u rapporti. Naħdem għall-istabbiltà kuljum. Din il-ħidma tagħtini sens ta’ appartenenza u jien kburija li nikkontribwixxi għal missjoni li hija rilevanti għall-ħajja ta’ kuljum tagħna lkoll.
Josip, Espert tal-IT għas-Superviżjoni Bankarja tal-BĊE
Jiena nieħu ħsieb is-sistemi tal-IT użati mis-superviżuri bankarji tagħna biex nivverifikaw is-saħħa tal-banek Ewropej. Billi niżgura li s-sistemi tagħna jaħdmu bla xkiel u b’mod affidabbli, qed nappoġġa sistema finanzjarja stabbli u Ewropa stabbli għalina lkoll.
Emma, Assistenta tal-Maniġment ta’ Grad Għoli fit-Tim tal-Komunikazzjonijiet tal-BĊE
Jiena noħloq kuxjenza dwar l-impenn tal-BĊE lejn l-istabbiltà permezz ta’ proġetti ta’ komunikazzjoni pubblika bħal din il-kampanja. Tista’ tarani wkoll fiċ-Ċentru tal-Viżitaturi meta żżurna. Peress li qed nibbilanċja diversi kompiti, l-istabbiltà hija essenzjali għalija.
Issa jmiss lilek: interaġixxi magħna fuq il-media soċjali!
Issa li taf għaliex l-istabbiltà hija l-ħaġa li aħna nfittxu, ittestja kemm taf tajjeb il-muniti tal-euro tiegħek, kun fuq waħda jew skopri jekk l-istabbiltà hijiex il-ħaġa li inti tfittex ukoll!
Oħloq il-munita virtwali tal-euro tiegħek stess
Qatt staqsejt lilek innifsek kif tkun tidher il-munita tal-euro b’wiċċek fuqha? Skopri billi tiftaħ il-filtru tal-Instagram “Mint your coin” u ibda rrekordja. Rasek tiġi inkwadrata minn munita tal-euro. Kun il-wiċċ tal-euro!
Iftaħ il-filtru “Mint your coin” fuq InstagramTaħseb li taf il-muniti tal-euro tiegħek? Ipparteċipa fil-kwiżż tagħna dwar il-muniti!
Iftaħ il-filtru ta’ Instagram “Kwiżż dwar il-Munita” u ara munita tal-euro li tidher iddur fuq rasek. Meta tieqaf, ikollok ftit sekondi biex taqta’ minn fejn hi. It-tweġiba t-tajba titla’ fuq l-iskrin tiegħek. Ara kemm tista’ tidentifika b’mod korrett!
Iftaħ il-filtru tal-“Coin quiz” fuq InstagramLest għall-isfida tal-istabbiltà?
Żomm l-euro bbilanċjata fuq rasek, jiġri x’jiġri! Meta tiftaħ il-filtru tal-Instagram “Stability challenge”, jidher simbolu ta’ EUR fi 3 dimensjonijiet fuq rasek. Waqt li tkun qed tipprova żżommha stabbli, jidħlu xi annimali li jipprovaw ifixkluk.
Iftaħ il-filtru tal-“Isfida tal-Istabbiltà” fuq Instagram